Төрүт тыл форума

Балаҕан ыйын 4-с күнүгэр Горнай улууһун Одуну нэһилиэгэр тыл билимин дуоктора, бэрэпиэссэр, лингибиис, РСФСР уонна Саха АССР билимин үтүөлээх диэйэтэлэ Харитонов Лука Никифорович төрөөбүтэ 125 сылыгар аналлаах саха тылын, литературатын, култууратын, алын кылаас учууталларыгар, уһуйаан иитээччилэригэр  Өрөспүүбүлүкэтээҕи Төрүт тыл форума буолан ааста.

Форумҥа Саха сирин улуустарыттан уһуйааччылар, иитээччилэр, саха тылын, литературатын, култууратын учууталлара, уопсайа 160-тан тахса киһи кыттыыны ылла. Үс былаһаакканан бырайыактары, методическай үлэлэри көмүскээһин, маастар-кылаастар, быыстапкалар ыытылыннылар.

Биһиэхэ, уһуйаан үлэһиттэрин былаһааккаларыгар, барыта 42 кыттааччы, истээччи кыттыыны ылбыта, 18 үлэ киирбитэ. Иитээччилэр кэпсээбит бырайыактарын туһунан кылгастык этэр буоллахха, олус үлэлэммит уонна оннун булбут бырайыактары көрдүбүт. Биир идэлээхтэрбит болҕомтолоругар таһаарабыт:

1. "Кинигэни ааҕыы-сайдыылаах оҕо төрүөтэ" Малардырова Лидия Николаевна, Трофимова Анна Николаевна  (МБДОУ ЦРР № 89 "Парус" оҕо саада, Дьокуускай к.)
2. "Саха балаҕана" уонна "Тиэргэн" моделлары туһанан оскуола иннинээҕи үөрэхтээһиҥҥэ федеральнай үөрэх бырагырааматын (ФОП ДО) чэрчитинэн региональнай компонены олоххо киллэрии - Васильева Марина Сергеевна, Прибылых Александра Гаврильевна (МБДОУ Д/с №4 "Айылгы", Дьокуускай к.)
3. "Студия-айымньы алыптаах дойдута" Капитонова Марианна Семеновна (МБДОУ-д/с №2 "Кэнчээри", Бэрдьигэстээх сэл.)
4. "Кырачаан блогер"; "Саха тылын сардаҥата"; " Артахинова Лейла Васильевна (МБДОУ ЦРР-ДС "Туллукчаана" с.Маҕарас)           
5. Альбом "Айылҕа дьүрүскэнин кэрэхсээ" Артахинова Лейла Васильевна (МБДОУ ЦРР-ДС "Туллукчаана" с.Маҕарас)                   
6.  "Эрбэкэ сэрбэкэ" 3-4 саастаах оҕо тарбахтарын былчыҥнарын уруһуй, мэһийии нөҥүө сайыннарыы Татаринова Акулина Николаевна (МБДОУ ЦРР №8 Х.К.Татаринова аатынан "Сардаана" оҕо саада, Дьокуускай к.)
7. “Саха дорҕооннорун ыраастык саҥарарга көмө тэтэрээт”,  Эверстова Таисия Маркельевна (МБДОУ ЦРР - д/с "Туллукчаана" с. Маҕарас)
8. “Тыл сайдыытын дьарыгар оҕо интэриэһин тардыы” Егорова Саргылаана Владимировна, Павлова Катерина Леонидовна (МБДОУ ЦРР д/с "Колокольчик" с. Дьиикимдэ)           
9. "Сахалыы сиэринэн кыыс уонна уол оҕону иитии уратылара" Саввина Татьяна Гаврильевна, Стручков Николай Степанович (МБДОУ-ЦРР-д/с "Кырачаан ымыылар")          
10. "Сахалыы саҥарар эйгэ, оҕо ийэ тыла сайдыытыгар" Федотова Ульяна Ивановна (МБДОУ-ЦРР- д/с "Кырачаан ымыылар", Горнай улууһа)                  
11. "Оҕону төрөөбүт тылынан чуолкайдык саҥара үөрэтии уонна сурукка бэлэмнээһин" Заровняева Лидия Михайловна, Тимофеева Анна Васильевна       (МБДОУ-ЦРР- д/с "Кырачаан ымыылар", Горнай улууһа)          
12. “Авторская игровая пед технология экодуховного воспитания и образования дошкольников” Абрамова Ньургустана Владимировна, Платонова Виктория Михайловна (МБДОУ-ЦРР- д/с "Кырачаан ымыылар", Горнай улууһа)          
13. "Аптаах алыптаах тыйаатыр эйгэтин нөҥүө оҕо айар кутун сайыннарыы" Лукина Марианна Николаевна (МБДОУ-ЦРР- д/с "Кырачаан ымыылар", Горнай улууһа)               
14. “Төрөппүтү кытта үлэ: "Эркээйи эргиирэ" - ыал сахалыы эйгэтин кэҥэтии”  Барашкова Жанна Федоровна (МБДОУ д/с "Кэскил" №51)        
15. “Олоҥхону оҕо саадыгар үөрэтии” Семенова Людмила Григорьевна       (МБДОУ "ЦРР - Д/С Nº21 "Кэнчээри" ГО "Город Якутск" РС(Я))     
16. “Оскуола иннинээҕи саастаах оҕону иитиигэ доруобуйаны харыстыыр дьайымал быһыытынан налыйыы ньыматын туһаныы” Никулина Виктория Руслановна (МБДОУ-д/с №2 "Кэнчээри"с.Бердигестях)              -
17. Проект "Саха сайдам оҕото" Аввакумова Юлиана Геннадиевна, Иванова Раиса Кирилловна, Иванова Елена Викторовна, Данилова Эльвира Леонидовна, Антонова Екатерина Гаврильевна, Павлова Василиса Васильевна (МБДОУ-Д/с "Радуга" с. Бэс Күөлэ)        
18. “Саха айыы оҕото” Черепанова Сардана Николаевна, Бускарова Мотрена Николаевна, Алексеева Акулина Афанасьевна,  Алексеева Марианна Михайловна (МБДОУ-Д/с "Кустук" с. Орто-Сурт)     

Оскуола иннинээҕи саастаах оҕо көрбүтүн-билбитин барытын өйүгэр хатаан, уһуйаантан элбэх сатабылланан  тахсыыта – биһиги үлэбит сүрүн сыала. Бу форумҥа кыттыбыт иитээччилэр оҕону сайыннарыы, оҕо дьоҕурун арыйар туһугар үлэлэрэ, бырайыактара ону чаҕылхайдык туоһулуур.

Бу бырайыактары көрүүгэ туох да саарбаҕа суох араас өрүттээх киэҥ үлэни ыытар Горнай улууһун “Кырачаан ымыылар” уһуйаан иитээччилэрэ бастакы үрдэли ыллылар.

Иккис үрдэли ылан, С.А. Новгородов аатынан “Айар” кинигэ кыһатын анал бирииһин “Саха дорҕооннорун ыраастык саҥарарга көмө тэтэрээт” ааптара  Эверстова Таисия Маркельевна, Маҕарас "Туллукчаана" уһуйаанын иитээччитэ ылла.

Үһүс үрдэлгэ "Кырачаан блогер"; "Саха тылын сардаҥата" бырайыактаах  Артахинова Лейла Васильевна, Маҕарас "Туллукчаана" уһуйаанын иитээччитэ таҕыста.

Ытык-мааны биир дойдулаахтарын Лука Никифорович Харитонов 125 сааһыгар анаммыт Төрөөбүт тыл форумун Горнай улууһун салалтата, үөрэҕин управлениета, оскуолалар кэлэктииптэрэ киэҥ далааһыннаахтык кыайа-хото тутан ыыппыттарын сылдьыбыт дьон кэрэхсээтилэр.

Сардана Михайловна Захарова, Е.Г. Корнилова аатынан 51 №-дээх “Кэскил” уһуйаан сэбиэдиссэйэ