«Два языка-два родника» куораттааҕы өй-санаа күрэҕэ

Олунньу 16 күнүгэр «Арчы дьиэтэ» духуобунай култуура киинигэр 7-8 кылаас үөрэнээччилэрин истэригэр «Два языка-два родника» диэн куораттааҕы суолталаах өй-санаа күрэҕэ үрдүк таһымнаахтык буолан ааста. Быйыл бу оонньуу тэриллибитэ 11-с сылын чиэстээхтик бэлиэтиир. Бу күрэх төрүттээччитэ, сүрүн көҕүлээччитэ – 40 №-дээх оскуола дириэктэрэ Васильева Галина Прокопьевна.

Күрэх барыта 5 түһүмэхтэн турда. Манна хамаандалар тылы, фольклору уонна Саха сирин устуоруйатыттан араас ыйытыыларга эппиэттээтилэр.  Өй-санаа күрэҕэр куорат 7 оскуолатын хамаандалара: 1-кы №-дээх, 13-с №-дээх, 14-с №-дээх, 18-с №-дээх, 27-с №-дээх, 40-с №-дээх күөн көрүстүлэр.

Тыҥааһыннаах киирсии түмүгүнэн миэстэлэр маннык үллэрилиннилэр:

• 1-кы миэстэ — 1-кы №-дээх оскуола хамаандата
• 2-с миэстэ — 13-с №-дээх оскуола хамаандата
• 3-с миэстэ — 40-с №-дээх оскуола хамаандата

40 №-дээх оскуола аатыттан 6 "в" кылаас үөрэнээччилэрэ Тогуллахов Михаил уонна Алексеев Николай "Эйэ ырыата" ыраларын бэлэхтээн дьон кэрэхсэбилин ыллылар. 

Тэрээһин саамай чаҕылхай түгэнинэн оҕолор оһуохай этэн дьүрүһүттүлэр. Кинилэр оһуохай тылынан дьоҥҥо-сэргэҕэ сомоҕолоһуу уонна үөрүү тыынын бэлэхтээтилэр.
Кыайыылаахтары уонна бириистээх миэстэҕэ тиксибит хамаандалары итиитик-истиҥник эҕэрдэлиибит! «Арчы дьиэтин» кэлэктиибигэр итии-сылаас көрсүһүүгүт иһин барҕа махталбытын тиэрдэбит!