Дьокуускай куорат сахалыы 3 – 4 кылаастарын үөрэнээччилэрин икки ардыгар куораттааҕы «Аман ѳс» күрэх ыытылынна

Оҕо төрөөбүт тылынан саныыр санаатын, тугу билбитин-көрбүтүн сааһылаан кэпсиир үөрүйэҕин сайыннарарга, тылы дириҥник билэригэр, табатык, өйдөнүмтүөтүк таска саҥарыы үөрүйэхтэрин иҥэринэригэр туhаайан олунньу ый  14 күнүгэр «Аман ѳс» күрэхкуорат оскуолаларын сахалыы 3,4 кылаастарын үөрэнээччилэрин икки ардыгар ыытылынна.

1, 7, 17, 26, 29, 31,38 №-дээх орто оскуолаларыттан, 2 №-дээх национальнай политехническай оскуолаттан,  Саха политехническэй лиссиэйиттэн, эбии үөрэхтээhин “Оҕо айымньытын дыбарыаhын” алын сүһүөх оскуолатыттан, Чиряевтар ааттарынан Дьокуускай куораттааҕы национальнай гимназиятыттан, Саха гимназиятыттан, “Айыы кыһата” национальнай гимназиятыттан, педагогическай колледж алын сүһүөх оскуолатыттан, Кочнев аатын сүгэр Тулагы оскуолатыттан- барыта 23 этээччи кытынна. 

Оҕолор тыл этэллэригэр бэйэлэрин тылларынан уустаан – ураннаан кэпсииллэрэ, тыл этии ис хоhооно кыттааччылар бэйэлэрин толкуйдарыгар, ѳйдөрүгэр – санааларыгар сѳп түбэhэрэ биhирэннэ.

Дьүүллүүр сүбэ тыл этээччилэр туттан – хаптан туралларын, тыл этии тэтимин, куолас эгэлгэтэтин, киэҥ эйгэҕэ саҥарар үөрүйэхтэрин, санааларын толору этэллэрин учуоттаатылар.

Түмүк маннык буолла:

3-с кылаас үөрэнэччилэрин икки ардыгар:

Муҥутуур кыайыылааҕа – Устинов В., 31 №-дээх оскуола, учуутала Андреева З.Е.;

II степеннээх Диплом хаhаайына –  Яковлева Э., 2 №-дээх национальнай политехническэй оскуола,учуутала Аргунова В.С.;

III степеннээх Диплом хаhаайына – Максимов А.,  Чирээйэптэр ааттарынан Дьокуускай куорат национальнай гимназията, учуутала Герасимова С.Е.

Биhирэбил бириистэр (Анал ааттар):

 «Умсугутуулаах этээччи»- Колосова М., Саха политехническэй лиссиэй;

«Төрөөбүт тылга дьулуур» - Иванов К., 29 №-дээх орто оскуола;

«Алгыстаах этээччи» - Шамаева К., Дьокуускай куорат 1№-дээх орто оскуолата;

«Итэҕэтиилээх тыл-өс»- Угапьев У., Саха гимназия;

«Уран тыл-өс»- Текеянов С., П.И.Кочнев аатын сүгэр Тулагы орто оскуолата;

«Алыптаах этээччи»- Павлов Д., 17 №-дээх орто оскуола;

«Хомоҕой тыллаах этээччи»- Потапова А., “Айыы кыһата» национальная гимназия;

«Дорҕоонноох этээччи»- Ефремов С., 38 №-дээх орто оскуолата;

«Дириҥ ис хоһоонноох тыллаах этээччи»- Ощепков О., эбии үөрэхтээhин “Оҕо айымньытын дыбарыаhын” алын сүһүөх оскуолата;

 «Кэскиллээх этээччи»- Чемпина А., 26 №-дээх орто оскуола.

4-с кылаас үөрэнээччилэрин икки ардыларыгар:

Муҥутуур кыайыылааҕа – Габышев Э., Чирээйэптэр ааттарынан Дьокуускай куорат национальнай гимназията, учуутала Максимова Н.М.;

II степеннээх Диплом хаhаайына – Захаров Т., Саха гимназия, учуутала Сивцева М.Е.;

III степеннээх Диплом хаhаайына – Егоров Э., 31 №-дээх орто оскуола, учуутала Семенова О.Д.

Биhирэбил бириистэр (Анал ааттар):

«Итэҕэтиилээх тыл-өс»- Илларионов Р., 7 №-дээх орто оскуола;

«Алыптаах этээччи»- Афанасьев Э., “Айыы Кыһата” национальнай гимназията;

«Дорҕоонноох этээччи» - Стручкова В., Дьокуускай куорат педагогическай колледжын алын сүһүөх оскуолата;

«Алгыстаах этээччи»-Афанасьева В., 1 №-дээх орто оскуола;

«Дириҥ ис хоһоонноох тыллаах этээччи”- Филиппов Я., 2 №-дээх национальнай политехническэй оскуола;

«Төрөөбүт тылга дьулуур» - Иванова М., Саха политехническэй лиссиэй;

«Кэскиллээх этээччи»- Можарова К., эбии үөрэхтээhин “Оҕо айымньытын дыбарыаhын” алын сүһүөх оскуолата.

Саҥа кэмҥэ ийэ тылбыт этэр имэҥин, дириҥ ѳйүн толору этэр, туттар, ѳйдүүр туhугар тыл этэн араатардыыр күрэх үрдук таһымнаахтык ааста.

 Саха оҕолоро, кыра сааскытыттан төрөөбүт тылгытынан саҥаран, ийэ тылгытынан кэпсэтэн, ааҕан-суруйан улаатаргытыгар баҕарабыт. Өркөн өйдөөх, кэрэ дууhалаах, көрсүө майгылаах, киэҥ билиилээх Сахабыт сиригэр туhалаах буоларга кыhаллыҥ!