««Барҕарыы” национальнай пуонда III сахалыы НПК муниципальнай түһүмэҕин түмүгэ

Олунньу 6 күнүгэр төрөөбүт тыл, сурук-бичик күнүн көрсө, Дьокуускай куорат Үөрэххэ Дьаһалтатын көҕүлээһининэн, үһүс сылын ыытыллар “Барҕарыы” куораттааҕы кэмпириэнсийэтэ Саха гимназиятыгар үрдүк таһымнаахтык ааста. 

Кэмпириэнсийэ сүрүн сыала: чинчийэр үлэ оҕо айар, ырытар, анаарар дьоҕурун, сахалыы саҥарар-толкуйдуур сатабылын сайыннарыы. 

Быйылгы кэмпириэнсийэҕэ 12 секциянан барыта 85 оҕо кыттыыны ылла: култуура, искусство – 14 оҕо, кыраайы үөрэтии, айылҕаны харыстааһын, история – 19 оҕо, биология, химия, медицина, физика, астрономия, информатика, IT –технология, техника, экономика, бэйэ оҥорон таһаарыыта – 12 оҕо, тыл үөрэҕэ – 25 оҕо, педагогика уонна уйулҕа – 15 оҕо. 

Экспердэр М.К. Аммосов аатынан ХИФУ доценнара, педагогика билимин кандидаттара Сивцева Наталия Сергеевна, Гоголева Марина Трофимовна, Захарова Галина Алексеевна, Билюкина Марианна Юрьевна, Кондратьева Сардаана Афанасьевна, Төрүт тыллары үөрэтии, сайыннарыы Киинин үлэһитэ, п.н.к. Васильева Надежда Николаевна  уонна куорат оскуолаларын үрдүк таһымнаах учууталлара оҕолору болҕомтолоохтук иһиттилэр,  сиэрдээхтик сыаналаатылар, салгыы чинчийэр үлэлэрин сайыннаралларыгар сүбэ-ама биэрдилэр. Ситилиилээхтик кыттыбыт чинчийээччилэргэ Республиканскай туьумэххэ ситиьиилэри ба5арабыт.

Протокол