164 оҕо куораттааҕы олоҥхо олимпиадатыгар кытынна

Олунньу 2 күнүгэр үгэс буолбут «Айыы Кыһата» национальнай гимназията тэрийэн ыытар норуот тылынан уус-уран айымньы чыпчаала буолбут-олоҥхобут тылын-өһүн баһыылыырга, дириҥник билэргэ туһуламмыт 5-10 кылаас үөрэнээччилэригэр куораттааҕы олоҥхо олимпиадата буолан ааста. Бу олимпиада быйыл 6 төгүлүн ыытыллынна, куорат 15 оскуолата кэлэн кытынна. Барыта 174 сайаапка киирбититтэн 164 оҕо олимпиаданы суруйда.

Ону тэҥэ "Айыы Кыһата" саха тылын уонна литэрэтиирэтин учууталлара сэминээр ыыттылар. Ол курдук Николаева Н.А. эбии үөрэхтээһин уһуйааччыта кэлбит учууталларга ураһа 3 этээһигэр ый холумтанын олорто. Одун Хаан ыйын ис хоһоонун сырдатта. Онтон «Олоҥхо ырыатын-тойугун үөрэтии кистэлэҥэ» диэн Нохсорова С.М. практическай дьарык тэрийдэ.

Салҕыы Сивцева Е.Д. “Иис-уус эйгэтин” тэрийэн учууталларга сахалыы иис, оҕуруо ньыматын кытта билиһиннэрдэ, баҕалаахтарга маастар кылаас ыытта. Тапыева В.А. “Олохсун-ийэ тыл сайдар кэскилэ” диэн оскуола олунньы ыйын иитэр үлэтин, ийэ тыл нэдиэлэтин былаанын, үлэтин-хамнаһын кытта билиһиннэрдэ. Липатова С.А.“Олоҥхо-саха тылын баайын иҥэрэр ньыма” диэн 5, 6 кылааска үөрэтиллэр олоҥхолору учуутал хайдах аныгы араас ньымалары туттан, оҕо тыыннаах дьарыгын тэрийиэн, үөрэтиэн сөбүн көрдөрдө. Онтон Матвеева А.Л. оскуолабытыгар “Айан дьарык” хайдах тэриллэрин, хайдах тэриллиэн сөбүн учууталларга кэпсээтэ, учууталлары үлэлэттэ.

Онон куорат саха тылын учууталлара түмсэн үлэлээн бүгүҥҥү күммүт олус туһалаах, кэрэхсэбиллээх буолла, элбэх саҥаны биллибит диэн астынан бардылар, бэйэҕэ эргиллиилэрин кумааҕыга тиһэн хааллардылар, салҕыы авторскай семинарда ыытын диэн баҕа санааларын эттилэр.

Куораттааҕы Олоҥхо олимпиадата ыытылларыгыр көмөлөспүт оскуолабыт салалтатыгар, эбии үөрэхтээһин педагогтарыгар, чуолаан Лукина Д.Ю, Трофимов Е.Н, Крылова И.И., Попова С.А., Федорова А.Г, Егорова К.Д., Владимиров Г.И., Поликарпов С.Р. саха тылын холбоһугун аатыттан барҕа махталбытын тиэрдэбит. Инникитин да үлэбит ситиһиилээх буоллун.